Хамгаалалтын ажилд шинээр орсон залуу хотхоныхоо оршин суугч бүсгүйд сэтгэл алдарч эхэлнэ. Насны зөрүүтэй залуус бие биедээ татагдсан боловч уг мэдрэмж нь жинхэнэ хайр байв уу эсвэл биеийн жаргал эдлэх гэсэн богинохон учрал байв уу?

Ойрын ирээдүйд хүн төрөлхтөн сансар судлалд асар их дэвшил гаргаж, олон гариг дээр судалгааны станцуудыг байгуулсны нэг нь “Gemini” олон улсын төсөл байлаа. Тус төсөлд ажиллах астрофизикчид сансраас үл таних дохио хүлээн авах ба уг дохио дэлхийд ноцтой аюул учруулж болзошгүйг олж илрүүлжээ. Ийнхүү дохионы эх үүсвэрийг олох хэрэгтэй болсноор судалгааны багийнхан гайхалтай, нууцлаг, аюултай аялалд гарна.

Молдавийн элчин сайд гэр бүлийн хамт Германд ирнэ. Тэднийг хамгаалахаар Германы засгийн газраас шинэхэн цагдаа Тео, шилдэг мөрдөгч Лук болон бусад цагдаагийн ажилтнуудыг томилжээ. Гэвч хэрэг явдал буруугаар эргэснээр элчин сайдын охин Маша барьцаалагдчихав. Ийнхүү Машаг аврахын тулд Тео, Лук хоёр нэгдэн хөгжилтэй, аюултай адал явдалд гарна.

Кан Бу-рам бол төрөлх “Үлсан” хотоо хөгжүүлэхийн төлөө бүхий л сэтгэл зүрхээ зориулж буй төрийн албан хаагч юм. Тэрээр “Ку Буксу” хэмээх томоохон дууны наадмын оролцогчдыг сонгож авчрах хариуцлагатай ажилд томилогджээ. Тэрээр хамгийн түрүүнд нутагтаа дуу хоолойгоороо гайхагдсан хүнийг урихаар болсон нь түүний найз Кён-сокийн аав нь байлаа. Гэвч Кён-сокийн аав гэр бүлийн асуудлаас болж оролцох боломжгүй байсан тул Бу-рам Кёнсоктой нэгдэн, гэр бүлийг нь эвлэрүүлж, аавыг нь дууны тэмцээнд оролцуулах төлөвлөгөө хэрэгжүүлэхээр болно.

Ин-а найзуудынхаа хамт далайн эрэг рүү аялахаар явж замдаа төөрөн орхигдсон тоглоомын цэнгэлдэх хүрээлэнд ирнэ. Тус хүрээлэнд нэгэн аймшгийн агуй байх ба хүүхдүүдийн сонирхлыг ихэд татаж байлаа. Тэд өөрсдийн аяллыг улам сонирхолтой болгох үүднээс тус байшин руу нар жаргасны дараа орохоор болов. Гэвч тус байшин дотор нэгэн аймшигт нууц тэднийг хүлээж байгааг хэн нь ч мэдсэнгүй. Үхэгсдийн шивнэхийг хэзээ ч бүү сонс

Хүмүүсийн биед нэвтэрч бодол санааг нь удирдах чадвартай харь гаригийн биет дэлхий дээр газардан, хүмүүсийг аюулд оруулаад байв. Энэ тухай хамгийн анх Сөүлийн их сургуулийн "Харь гариг судлал"-ын клубийн гишүүд олж мэдэн, хүмүүст анхааруулахыг хичээж байлаа. Гэвч санамсаргүй тохиолдлоор тус клубийн аль нэг гишүүнийх нь биед тус харь гаригийн биет нэвтрэн орсноор тэд лабораторидоо гацна. Ийнхүү тэд 30 минутын дотор хэнийх нь биед харь гаригийн биет нэвтэрснийг олох хүндхэн, хөгжилтэй адал явдалтай учирна

Гадаадад ур чадвараараа танигдсан найруулагч Со-рин олон жилийн дараа Солонгостоо эргэн ирж кино найруулахаар болно. Киноных нь гол дүрд Со-риний багын найз, алдарт жүжигчин Сү-хёк тоглохоор сонгогдсон нь тун таатай хэрэг байлаа. Гэвч яг зураг авалтын талбайд гарах мөчид тэдний хоорондын уур амьсгал нэг л өөр байв. Чухам юунаас болж уур амьсгал өөрчлөгдсөнийг Со-риний энэхүү хөгжилтэй хайрын түүхээс хүлээн авч үзээрэй.

"Луугийн үүр"-н гишүүн байсан Ён-чан сэтгүүлчээр ажиллах болжээ. Нэгэн томоохон улс төрчийн авилгын хэргийг судалж байгаад ор сураггүй алга болсон охидын тухай олж мэднэ. Ийнхүү тэрээр "Луугийн үүр"-ээс тусламж хүсэхээр болж, түүний аюултай, нууцлаг адал явдал эхэлнэ.

Сургуулийнхаа хамгийн чадварлаг тулаанч Сан-су нэгэн удаа “Мингүк” хэмээх бүлгэмийнхэнтэй тулалдаж, ялна. Гэвч түүнд хорссон бүлгэмийнхэн Сан-сугийн найз Мин-жэгээс өшөө авах нь тэр. Ийнхүү найзынхаа өшөөг авахын тулд шууд тулалдахын оронд нэгэн ахлах сургуулиас зохион байгуулдаг чөлөөт тулааны тэмцээнд орохыг санал болгосоноор тэдний ширүүн өрсөлдөөн эхэлнэ.

Эртний түүхэнд нэгэн нууцлаг булш хүмүүсийн хувь заяаг өөрчилдөг хэмээн өгүүлжээ. Ким овогтнууд булшийг гартаа оруулж, Чусоны эрх мэдлийг олж авахыг санаархавч уг булш нь зөвхөн хувь заяаг өөрчлөөд зогсохгүй, Чусонд хоёр хаан бий болгож, эмх замбараагүй байдал үүсгэдэг гэдгийг тэд мэдсэнгүй. Ийнхүү Хун-сон агь болон эртний түүх судлаач Чэ-сан нар нэгдэн Ким овогтнуудын эсрэг зогсохоор шийдсэнээр Чусоны бас нэгэн нууцлаг адал явдал эхэлнэ.

Томоохон нэвтрүүлгийн багт ажилладаг Еэ-жи-г бүдүүн, царай муутай хэмээн хүмүүс дорд үзэснээс болж маш их сэтгэл гутралд ороод байлаа. Нэгэн удаа түүнд “гоо сайхан бэлэглэгч ус”-ны танилцуулга ирнэ. Тус бүтээгдэхүүн нь хүний биеийг гайхалтай төгс хэлбэртэй болгоод зогсохгүй, царай төрхийг ч өөрчлөх шидтэй ажээ. Ийнхүү Еэ-жи яг л тус танилцуулга дээрх шиг өөрчлөгдөхийг хүссэнээр түүний аюулт адал явдал эхэлнэ.

Бид хажуудаа мангас өсөж байгааг мэддэггүй гэхдээ тэр мангас гэнэтхэн гараад ирдэггүй.Бид өөрсдөө ч мэдэлгүй буруу үлгэр дуурайл буруу үг хэллэг ,буруу нөлөөллөөрөө гэм зэмгүй хорхойд ч хоргүй нэгнийг мангас болгон өсгөж бэлдэж байж магадгүй.Үр хүүхэддээ хэлэх үг хажууд нь хийх үйлээ цэгнэж бай.

Мэргэжлийн бүжигчин эмэгтэй Энхлэн найз залуу Санчиртайгаа үерхээд дөрвөн жил болж байгаа. Тэд анх бүжгийн зааланд танилцаж, сэтгэл зүрхээ холбон дурсамж дүүрэн цаг хугацааг өнгөрүүлсэн. Гэтэл Санчирын сэтгэл нь холдож, өөр бүсгүйд сэтгэл алдарч тэдний хайрын түүх хавцлын ирмэгт ирэх үед Энхлэн пянзны дэлгүүрт Шинэбаяр гэх зураач залуутай санамсаргүй байдлаар танилцана. Залуусын хайр дурлал цааш хэрхэн өрнөх бол.

Жун-гү бол эгэл даруу, зодолдохдоо муу тул үргэлж л сургуулийнхаа хүүхдүүдэд дээрэлхүүлдэг байлаа. Гэвч нэгэн өдөр сургуульд нь Чэ-ён гэх охин шилжиж ирэн, Жун-гүг аварснаар түүний амьдрал огцом өөрчлөгдөх ажээ. Жун-гү болон Чэ-ёны хөгжилтэй, хөгтэй адал явдлыг энэхүү киноноос хүлээн авч үзээрэй.

Болзооны сайт дээр танилцсан нууцлаг бүсгүйтэй найз охиноо араар нь тавьснаар Франклин түүнийг өөрийн болгох гэсэн шуналд автана. Уулзсаны дараа бүсгүй ор сураггүй алга болж, залуу түүнийг хайхын тулд өөрийн найз Брэндоноос тусламж гуйх боловч найз нь ч мөн өөрийн гэсэн нууцтай байлаа. Брэндон түүний найз охин Кандидатай амрагийн холбоотой байв. Интернэтийн эрэн үеийнхэнд зориулсан энэхүү эротик нь таныг технологи, секс хоёр мөргөлддөг харанхуй ертөнц рүү аваачна.

Усны дусал мэт адилхан Дэнни, Людвиг нар санамсаргүй соёл амралтын хүрээлэнд тааралдан өмнө нь уулзаж байгаагүй ч, царай төдийгүй нас нь ч гэсэн адилхан байгаа нь хачирхалтай байв. Ийнхүү тэд энэ бүхний учир шалтгааныг олохын тулд солигдон, өөрсдийн эцэг эхийг сорихоор болно. Тэдний хөгжилтэй адал явдлыг 1998 оны "The Parent Trap" киноноос сэдэвлэн бүтээсэн энэхүү бүтээлээс хүлээн авч үзээрэй.

Хэ-жү бол байнга гэр бүлийнхээ "хүнтэй суу" гэдэг үгийг залхтлаа сонссон нэгэн. Харин Сон-сук бол томоохон агаарын тээврийн компанийн захирлын хүү бөгөөд компаниа өвлөн авахын тулд гэрлэх хэрэгтэй байлаа. Нэгэн удаа тэд сохор болзоогоор танилцаж, бие биетэйгээ гэрээгээр гэрлэхээр болжээ. Гэвч хуримын бэлтгэл ажлын үед асуудал үүссэнээр тэдний хөгтэй, хөгжилтэй адал явдал эхэлнэ.

Чин гүрний үеийн эрэлхэг зоригт чулуун цэргүүд болох Терракотачууд Оникс хэмээх аймшигт мангасуудын эсрэг газар доорх Янь хотод тулалддаг байлаа. Нэгэн удаа залуу цэрэг Магнус мангасын анд явж байхдаа Жэйд хэмээх залуу бүсгүйтэй уулзаж тэд хамтдаа энх тайвныг авчрахын тулд Янь хотын гүн рүү аялж, мангасуудын дайралтыг зогсоох аргыг олохоор шийднэ. Гэвч зорьсон газарт нь хэний ч төсөөлж байгаагүй нэгэн гайхалтай нууц байсныг тэд мэдсэнгүй.

Дээрэмчдийн бүлэглэлийн толгойлогч Жан Сэ-чол-д орон нутгийн иргэдийн жагсаалыг тараах ажил ирнэ. Жагсаалын үеэр үзэсгэлэнт хуульч Су-хёнтой таарч анхны харцаар дурласан ч Су-хён "тэргүүн хатагтай" болохыг мөрөөддөг тул өөрийг нь сонирхохгүй байлаа. Ийнхүү хайрынхаа төлөө Сэ-чол амьдралдаа огцом өөрчлөлт хийж, сонгуульд нэр дэвшихээр болно. Гэвч түүний энэхүү шийдвэрийг бүлгэмийнх нь гишүүд болон өрсөлдөгчид нь зүгээр хараад суух болов уу?

"Луугийн үүр" бол гаднаасаа энгийн л нэг Хятад дэн буудал ч үнэндээ хууль бус хэргүүдийг таслан зогсоох нууц байгууллага ажээ. Тэд хуулийн дагуу шийдэгдэж чадаагүй хэргүүдийг шүүн шийдвэрлэж, энгийн хүмүүст тусалдаг байлаа. Гэвч тэдний ойролцоогоос нэгэн томоохон байгууллагын захирлын хүүгийн цогцос олдсоноор хэрэг явдал буруугаар эргэнэ. Учир нь хэргийн гол сэжигтэн нь тус байгууллагын гишүүн байлаа.

Жи-мин сүйт залуу Ү-жинтэйгээ явж байхдаа санамсаргүй нэгэн үл таних бүсгүйг мөргөн, бүсгүйг үхснийг мэдмэгцээ сандран хэргийн газрыг орхин зугтжээ. Энэ явдлаас хойш Жи-минд үргэлж үхсэн бүсгүй харагдах болсноор түүний хар дарсан зүүд шиг өдрүүд эхэлнэ...

Сүүлийн 500 жилийн туршид Сөүлд гоо сайхны жижигхэн дэлгүүр ажиллуулан амьдарч байсан цус сорогч Ран-ыг барилгын шинэ эзэн гарч ирэн нүүхийг шаардана. Түүнийг хүндхэн байдалд орох үед нэгэн нууцлаг залуу гарч ирэн Ран туслана. Гэвч түүнээс гарах үнэр нь Раны анхны хайраас нь үнэртдэг байсан үнэртэй адил байх бөгөөд бүтэн 500 жилийн туршид тэвчиж ирсэн цусаар цангах хүслийг сэргээх нь тэр.

Бизнес нь дампуурснаас болж санхүүгийн хувьд хүндхэн байдалд байсан Жун-ман халуун усны газраас цүнх дүүрэн мөнгө олно. Тэр өөрт нь аз тохиолоо гэж бодон цүнхийг нууж, үйлчлүүлэгчид багасах үед авч гарах санаатай байсан ч цүнхийг олсон мөчөөс эхлэн үгээр хэлэхийн аргагүй таагүй хувь заяа түүнийг хүлээж байсныг мэдсэнгүй. Учир нь тэр цүнх бол маш аюултай мөнгөний тоглоомын эхлэл байлаа...

Сургууль дээрээ хоноглох болсон 5 сурагч хараалтай ангийн үүдийг нээснээр учир битүүлэг элдэв зүйлс үзэгдэж, сонсогдож, мэдрэгдэж, ар араасаа адармаатай үйл явдлууд хөвөрсөөр л ...Тэд энэ шөнийг давж чадах болов уу?

Нийт 184 с 1 -24 харуулж байна