Томоохон нэвтрүүлгийн багт ажилладаг Еэ-жи-г бүдүүн, царай муутай хэмээн хүмүүс дорд үзэснээс болж маш их сэтгэл гутралд ороод байлаа. Нэгэн удаа түүнд “гоо сайхан бэлэглэгч ус”-ны танилцуулга ирнэ. Тус бүтээгдэхүүн нь хүний биеийг гайхалтай төгс хэлбэртэй болгоод зогсохгүй, царай төрхийг ч өөрчлөх шидтэй ажээ. Ийнхүү Еэ-жи яг л тус танилцуулга дээрх шиг өөрчлөгдөхийг хүссэнээр түүний аюулт адал явдал эхэлнэ.

Чин гүрний үеийн эрэлхэг зоригт чулуун цэргүүд болох Терракотачууд Оникс хэмээх аймшигт мангасуудын эсрэг газар доорх Янь хотод тулалддаг байлаа. Нэгэн удаа залуу цэрэг Магнус мангасын анд явж байхдаа Жэйд хэмээх залуу бүсгүйтэй уулзаж тэд хамтдаа энх тайвныг авчрахын тулд Янь хотын гүн рүү аялж, мангасуудын дайралтыг зогсоох аргыг олохоор шийднэ. Гэвч зорьсон газарт нь хэний ч төсөөлж байгаагүй нэгэн гайхалтай нууц байсныг тэд мэдсэнгүй.

Дээрэмчдийн бүлэглэлийн толгойлогч Жан Сэ-чол-д орон нутгийн иргэдийн жагсаалыг тараах ажил ирнэ. Жагсаалын үеэр үзэсгэлэнт хуульч Су-хёнтой таарч анхны харцаар дурласан ч Су-хён "тэргүүн хатагтай" болохыг мөрөөддөг тул өөрийг нь сонирхохгүй байлаа. Ийнхүү хайрынхаа төлөө Сэ-чол амьдралдаа огцом өөрчлөлт хийж, сонгуульд нэр дэвшихээр болно. Гэвч түүний энэхүү шийдвэрийг бүлгэмийнх нь гишүүд болон өрсөлдөгчид нь зүгээр хараад суух болов уу?

"Луугийн үүр" бол гаднаасаа энгийн л нэг Хятад дэн буудал ч үнэндээ хууль бус хэргүүдийг таслан зогсоох нууц байгууллага ажээ. Тэд хуулийн дагуу шийдэгдэж чадаагүй хэргүүдийг шүүн шийдвэрлэж, энгийн хүмүүст тусалдаг байлаа. Гэвч тэдний ойролцоогоос нэгэн томоохон байгууллагын захирлын хүүгийн цогцос олдсоноор хэрэг явдал буруугаар эргэнэ. Учир нь хэргийн гол сэжигтэн нь тус байгууллагын гишүүн байлаа.

Бизнес нь дампуурснаас болж санхүүгийн хувьд хүндхэн байдалд байсан Жун-ман халуун усны газраас цүнх дүүрэн мөнгө олно. Тэр өөрт нь аз тохиолоо гэж бодон цүнхийг нууж, үйлчлүүлэгчид багасах үед авч гарах санаатай байсан ч цүнхийг олсон мөчөөс эхлэн үгээр хэлэхийн аргагүй таагүй хувь заяа түүнийг хүлээж байсныг мэдсэнгүй. Учир нь тэр цүнх бол маш аюултай мөнгөний тоглоомын эхлэл байлаа...

Тоби бол мэргэжлийн автомашины уралдааны нисгэгч. Хамтрагчдаа хууртан шоронд орсноор түүний амьдрал бүхэлдээ сүйрнэ. Олон жилийн дараа шоронгоос гарч өшөөгөө авахын тулд гудамжны уралдаанд оролцох болсноор түүний аюул дагуулгсан адал явдал эхэлнэ.

Хөл бөмбөгийн дэлхийн аваргад оролцох хүсэл эрмэлзэлтэй залуу сохор номин орон нутгийн алтны уурхайг нь булаах гэсэн шуналт хорон санаатны эсрэг боссоноор хэний ч тааварлаагүй эргэлт гаргаж баатар болно.

Авьяаслаг боксчин Тарас спортоороо карьераа өсгөж, амжилт өөд тэмүүлэхийг хүсдэг. Гэвч ээжийнх нь эмчилгээний төлбөр яаралтай хэрэг болсноор Тарас карьераа орхин гудамжны тулаануудад орохоор шийдэж, Скульскийн гэмт бүлэглэлийнхэнтэй тэмцэх хэрэгтэй болно. Түүний өмнө ялаад ээжийгээ аврах эсвэл ялагдаад бүхнээ алдах гэсэн сонголт л байв...

Энгийн л нэг оффисийн ажилтан Чан-дул-ын амьдардаг хот руу "бухимдал үүсгэгч" мангас дайрснаар ажилгүй болжээ. Ийнхүү Чан-дул Ку доктор болон найзуудынхаа хамт “Stress Zero” гэх эрч хүчний ундааг зарж, олсон мөнгөөрөө хотоос зугтахаар болно. Гэвч тэдний энэхүү ундаа л төрөлх хотыг нь тус мангасаас аврах цор ганц зэвсэг гэдгийг тэд мэдсэнгүй...

Хуучин хөлсний цэрэг байсан хэсэг нөхөд дахин нэгдэж гадаадын тагнуулын агентлагийн эзэмшилд байдаг ачааны машин дүүрэн эм тариаг дээрэмдэн, тусламж хэрэгтэй дүрвэгсдийн хуаранд хүргэхээр төлөвлөжээ. Гэтэл тэдний олзолсон ачааны машин дүүрэн хууль бус алт байх нь тэр. Тэд хэн нэгний давхар "тоглоом"-д орсон, үүнийгээ залруулахын тулд ихээхэн цус урсгахаас аргагүй байдалд орсноо хожимдож ухаарна.

Даниэль нууц амрагтайгаа байхын тулд нөхрөө алан, бяцхан охин Каллигаа дагуулан зугтана. Гэвч зугтах замдаа цагдаа нарт баригдан, охин Каллигаа мөнхийн дайсан нь болох Никкид үлдээхээс өөр аргагүй болжээ. Ийнхүү олон жилийн дараа Даниэль шоронгоос суллагдан ирэхдээ охин Каллигаа авахаар Никкигийнд зочилсноор тэдний аюултай, адармаатай өдрүүд эхэлнэ.

Цэцэрлэгт хүрээлэнгийн ойролцоох нэгэн сайхан байшинд хосууд өсвөр насны охины хамт нүүж ирнэ. Гэвч тэдний байшингийн доор бүс нутгийн бүхий л дээрэмчид, гэмт хэрэгтнүүдийн хүсэж буй нэгэн зүйл булаатай байсныг тэд мэдсэнгүй...

Аймшигт харийнхны халдлагаас дэлхий ертөнцийг аварснаас хойш Ray, Anna, Tyler, Halle, Eisuke нар амар тайван амьдарч, ахлах сургуулиа төгсөн, их сургуульд орцгоожээ. Гэвч дахин нэг удаа дэлхий ертөнцөд харийнхны аюул заналхийлж эхлэх нь тэр. Ийнхүү хайртай бүхнээ хамгаалахын тулд таван найз дахин нэгдэн, одоогоос 330 сая жилийн өмнөх үе рүү буцан, Зета гаригийнхантай тэмцэх хэрэгтэй болно.

Нэг ангийн найзууд сургуулийнх нь сурагч харийнханд хулгайлагдаад эргэж ирсэн тухай олж мэдэх ажээ. Ийнхүү сурагчид саваагүй зандаа хөтлөгдөн тус харийнхны түүх үнэн эсэхийг шалгахаар шийднэ. Гэвч тэд энэ хэргийн цаана дэлхийг ч аюулд оруулж мэдэх нэгэн нууц нуугдаж байгааг мэдсэнгүй.

Ван Жу өмнө нь жүжигчин болохыг мөрөөддөг байсан бөгөөд одоо дүрд тоглох агентлагт амьдрахаар ажиллаж байна. Тэр найз залуу, хөрш гэх мэт хуурамч дүрд тоглосныхоо төлөө мөнгө авдаг. Нэг өдөр нэгэн эмэгтэй очиж хүүгийнхээ аминд хүрсэн хэргийн хуурамч гэрч болохыг хүсэв. Ван Жу том эрсдэлийг мэдэрч байгаа ч үйлчлүүлэгч нь сэжигтнийг шоронд хийхийг нулимс дуслуулан асуухад тэр саналыг хүлээн авсан. Тэрээр дахин ажлаа сайн хийж, цагдаад мэдүүлэг өгч дуусгасан ч цагдаагийн хэлтсээс гарахдаа хохирогчийг өнчин хүүхэд байсныг мэднэ... Үйлчлүүлэгч нь хэн байсан бэ?

Чон-жин бол АНУ-ын Холбооны мөрдөх товчоонд хэргийн шинжээчээр ажиллаж байсан харин Юү-мин цагдаагийн их сургуулийн шилдэг төгсөгч хэдий ч хүүхэмсэг зангаараа алдартай нэгэн юм. Тэднийг тусгай мөрдөх багт хуваарилан, нууц даалгаварт илгээхээр болсон нь томоохон эрх мэдэлтнүүдийг гартаа авсан гэмт бүлэглэлийн толгойлогчын мөрдөх байлаа.

Дэлхийн хэмжээний од бэлтгэдэг томоохон сургууль болох “Shining Star” сургуулийн зүгээс “Сарны хатан” хэмээх сонгон шалгаруулалтыг зарлана. Энэхүү тэмцээнд оролцохын тулд сургуулийн бүхий л сурагчид өрсөлдөх ба тэдний дунд шинэхэн дэбютээ хийсэн “New Melody” хамтлаг багтаж байлаа. Гэвч сургуулийн захирал Каллиоп багийн гишүүдийг хооронд талцуулж эхэлснээр тэдний тэмцээнд ялах боломж буурч эхэлнэ. Авъяаслаг охидын хамтлаг тэмцээнд ялж чадах болов уу?

Шоронгийн дүрмийг шоронд байгаа хамгийн нэр нөлөө бүхий хоригдлууд зохиодог. Гэвч шинээр ирсэн Хён-сү гэгч дүрмийг дагахаас татгалзсанаар Чэ-хугийн хараанд өртөх ажээ. Ийнхүү Чэ-ху Хён-сүг ашиглан тус шоронгийн 1-рт бичигдэх хоригдлыг дарж авахаар оролдоно. Гэвч, Хён-сү юу нууж байгааг тэрээр мэдсэнгүй.

1980-аад оны сүүлээр ЗХУ задарч, капиталист системд шилжин, маш олон улс орнууд санхүүгийн хувьд яг л Монголын 1990-н оны эхэн үетэй адил хүндхэн нөхцөл байдалд ороод байв. Энэ үед гэмт хэргийн гаралт эрс нэмэгдэж, хүн бүр харгис хэрцгий "гудамжны дүрэм" -д дасан зохицох хэрэгтэй болоод байлаа. Энэ үед Арсен хэмээх 16 настай хүү дүүргийн сургуульд шинээр шилжиж ирэх бөгөөд түүний өмнө дүрмийг үг дуугүй дагах эсвэл өөрийн хүсэл зорилгоо хамгаалж үлдэх гэсэн сонголт тулгарна...

Мөрдөгч Баяр нэгэн ослыг мөрдөж эхэлнэ. Энэ хэрэг гадны нөлөөтэй нь тодорхой болж, хэрэгтэн хэрэгээ хүлээх боловч хачирхалтай зүйлс ар араасаа хөвөрсөөр энэ бүхний төгсгөлд шудрага ёс ялах эсэхийг "Төгсгөл" уран сайхны киноноос үзээрэй.

Хар тамхитай тэмцэх албаныхан нууц ажиглалт хийхийн тулд шарсан тахианы газар ажиллуулж эхэлнэ. Гэтэл тэдний энэхүү өнгөлөн далдлалт болгож эхлүүлсэн бизнес нь санаанд оромгүй амжилт олсноор хүн болгон тэдний газрыг мэддэг болох нь тэр...

Бразилийн Зэвсэгт хүчний тусгайлан бэлтгэгдсэн цэрэг хууль бус ажиллагаанаас болж гэмтэл аван, ажлаасаа гарчээ. Ийнхүү тэрээр өөрийгөө “awakener” хэмээн нэрлэж, хууль бус үйл ажиллагаануудтай тэмцэх харанхуйн баатар болохоор шийднэ.

Эмийн үйлдвэрийн эзэн шинээр гаргасан вирусийг тараахаар төлөвлөж байлаа. Гэвч тус вирусийн судалгааг хийж байсан эрдэмтэн түүний замд саад болж, эрдэмтнийг устгаж, ерөндгийг зөвхөн өөрийн болгохыг оролдоно. Яг энэ үед сэргэлэн бяцхан Ака хүү, аавынхаа зохиосон ерөндгийг аван зугтсанаар түүний аюул сөрсөн адал явдал эхэлнэ.

Бён Чэ-үк бол түргэн ууртай гэдгээрээ алдартай прокурор. Нэгэн удаа түүний байцааж байсан сэжигтэн нь байцаалтын өрөөнөөс нас барсан байдалтай олдсоноос болж Чэ-үк хүн амины хэрэгт гүтгэгдэн шоронд хоригджээ. Гэвч тэрээр бууж өгөлгүй, шоронд хамт хоригдож буй хоригдолтой нийлэн өөрийгөө буруугүй гэдгийг батлахын оролдоно.

Нийт 68 с 1 -24 харуулж байна