Дээрэмчдийн бүлэглэлийн толгойлогч Жан Сэ-чол-д орон нутгийн иргэдийн жагсаалыг тараах ажил ирнэ. Жагсаалын үеэр үзэсгэлэнт хуульч Су-хёнтой таарч анхны харцаар дурласан ч Су-хён "тэргүүн хатагтай" болохыг мөрөөддөг тул өөрийг нь сонирхохгүй байлаа. Ийнхүү хайрынхаа төлөө Сэ-чол амьдралдаа огцом өөрчлөлт хийж, сонгуульд нэр дэвшихээр болно. Гэвч түүний энэхүү шийдвэрийг бүлгэмийнх нь гишүүд болон өрсөлдөгчид нь зүгээр хараад суух болов уу?

"Луугийн үүр" бол гаднаасаа энгийн л нэг Хятад дэн буудал ч үнэндээ хууль бус хэргүүдийг таслан зогсоох нууц байгууллага ажээ. Тэд хуулийн дагуу шийдэгдэж чадаагүй хэргүүдийг шүүн шийдвэрлэж, энгийн хүмүүст тусалдаг байлаа. Гэвч тэдний ойролцоогоос нэгэн томоохон байгууллагын захирлын хүүгийн цогцос олдсоноор хэрэг явдал буруугаар эргэнэ. Учир нь хэргийн гол сэжигтэн нь тус байгууллагын гишүүн байлаа.

Бизнес нь дампуурснаас болж санхүүгийн хувьд хүндхэн байдалд байсан Жун-ман халуун усны газраас цүнх дүүрэн мөнгө олно. Тэр өөрт нь аз тохиолоо гэж бодон цүнхийг нууж, үйлчлүүлэгчид багасах үед авч гарах санаатай байсан ч цүнхийг олсон мөчөөс эхлэн үгээр хэлэхийн аргагүй таагүй хувь заяа түүнийг хүлээж байсныг мэдсэнгүй. Учир нь тэр цүнх бол маш аюултай мөнгөний тоглоомын эхлэл байлаа...

Тоби бол мэргэжлийн автомашины уралдааны нисгэгч. Хамтрагчдаа хууртан шоронд орсноор түүний амьдрал бүхэлдээ сүйрнэ. Олон жилийн дараа шоронгоос гарч өшөөгөө авахын тулд гудамжны уралдаанд оролцох болсноор түүний аюул дагуулгсан адал явдал эхэлнэ.

Авьяаслаг боксчин Тарас спортоороо карьераа өсгөж, амжилт өөд тэмүүлэхийг хүсдэг. Гэвч ээжийнх нь эмчилгээний төлбөр яаралтай хэрэг болсноор Тарас карьераа орхин гудамжны тулаануудад орохоор шийдэж, Скульскийн гэмт бүлэглэлийнхэнтэй тэмцэх хэрэгтэй болно. Түүний өмнө ялаад ээжийгээ аврах эсвэл ялагдаад бүхнээ алдах гэсэн сонголт л байв...

Хуучин хөлсний цэрэг байсан хэсэг нөхөд дахин нэгдэж гадаадын тагнуулын агентлагийн эзэмшилд байдаг ачааны машин дүүрэн эм тариаг дээрэмдэн, тусламж хэрэгтэй дүрвэгсдийн хуаранд хүргэхээр төлөвлөжээ. Гэтэл тэдний олзолсон ачааны машин дүүрэн хууль бус алт байх нь тэр. Тэд хэн нэгний давхар "тоглоом"-д орсон, үүнийгээ залруулахын тулд ихээхэн цус урсгахаас аргагүй байдалд орсноо хожимдож ухаарна.

Даниэль нууц амрагтайгаа байхын тулд нөхрөө алан, бяцхан охин Каллигаа дагуулан зугтана. Гэвч зугтах замдаа цагдаа нарт баригдан, охин Каллигаа мөнхийн дайсан нь болох Никкид үлдээхээс өөр аргагүй болжээ. Ийнхүү олон жилийн дараа Даниэль шоронгоос суллагдан ирэхдээ охин Каллигаа авахаар Никкигийнд зочилсноор тэдний аюултай, адармаатай өдрүүд эхэлнэ.

Цэцэрлэгт хүрээлэнгийн ойролцоох нэгэн сайхан байшинд хосууд өсвөр насны охины хамт нүүж ирнэ. Гэвч тэдний байшингийн доор бүс нутгийн бүхий л дээрэмчид, гэмт хэрэгтнүүдийн хүсэж буй нэгэн зүйл булаатай байсныг тэд мэдсэнгүй...

Ван Жу өмнө нь жүжигчин болохыг мөрөөддөг байсан бөгөөд одоо дүрд тоглох агентлагт амьдрахаар ажиллаж байна. Тэр найз залуу, хөрш гэх мэт хуурамч дүрд тоглосныхоо төлөө мөнгө авдаг. Нэг өдөр нэгэн эмэгтэй очиж хүүгийнхээ аминд хүрсэн хэргийн хуурамч гэрч болохыг хүсэв. Ван Жу том эрсдэлийг мэдэрч байгаа ч үйлчлүүлэгч нь сэжигтнийг шоронд хийхийг нулимс дуслуулан асуухад тэр саналыг хүлээн авсан. Тэрээр дахин ажлаа сайн хийж, цагдаад мэдүүлэг өгч дуусгасан ч цагдаагийн хэлтсээс гарахдаа хохирогчийг өнчин хүүхэд байсныг мэднэ... Үйлчлүүлэгч нь хэн байсан бэ?

Чон-жин бол АНУ-ын Холбооны мөрдөх товчоонд хэргийн шинжээчээр ажиллаж байсан харин Юү-мин цагдаагийн их сургуулийн шилдэг төгсөгч хэдий ч хүүхэмсэг зангаараа алдартай нэгэн юм. Тэднийг тусгай мөрдөх багт хуваарилан, нууц даалгаварт илгээхээр болсон нь томоохон эрх мэдэлтнүүдийг гартаа авсан гэмт бүлэглэлийн толгойлогчын мөрдөх байлаа.

Шоронгийн дүрмийг шоронд байгаа хамгийн нэр нөлөө бүхий хоригдлууд зохиодог. Гэвч шинээр ирсэн Хён-сү гэгч дүрмийг дагахаас татгалзсанаар Чэ-хугийн хараанд өртөх ажээ. Ийнхүү Чэ-ху Хён-сүг ашиглан тус шоронгийн 1-рт бичигдэх хоригдлыг дарж авахаар оролдоно. Гэвч, Хён-сү юу нууж байгааг тэрээр мэдсэнгүй.

1980-аад оны сүүлээр ЗХУ задарч, капиталист системд шилжин, маш олон улс орнууд санхүүгийн хувьд яг л Монголын 1990-н оны эхэн үетэй адил хүндхэн нөхцөл байдалд ороод байв. Энэ үед гэмт хэргийн гаралт эрс нэмэгдэж, хүн бүр харгис хэрцгий "гудамжны дүрэм" -д дасан зохицох хэрэгтэй болоод байлаа. Энэ үед Арсен хэмээх 16 настай хүү дүүргийн сургуульд шинээр шилжиж ирэх бөгөөд түүний өмнө дүрмийг үг дуугүй дагах эсвэл өөрийн хүсэл зорилгоо хамгаалж үлдэх гэсэн сонголт тулгарна...

Мөрдөгч Баяр нэгэн ослыг мөрдөж эхэлнэ. Энэ хэрэг гадны нөлөөтэй нь тодорхой болж, хэрэгтэн хэрэгээ хүлээх боловч хачирхалтай зүйлс ар араасаа хөвөрсөөр энэ бүхний төгсгөлд шудрага ёс ялах эсэхийг "Төгсгөл" уран сайхны киноноос үзээрэй.

Хар тамхитай тэмцэх албаныхан нууц ажиглалт хийхийн тулд шарсан тахианы газар ажиллуулж эхэлнэ. Гэтэл тэдний энэхүү өнгөлөн далдлалт болгож эхлүүлсэн бизнес нь санаанд оромгүй амжилт олсноор хүн болгон тэдний газрыг мэддэг болох нь тэр...

Бразилийн Зэвсэгт хүчний тусгайлан бэлтгэгдсэн цэрэг хууль бус ажиллагаанаас болж гэмтэл аван, ажлаасаа гарчээ. Ийнхүү тэрээр өөрийгөө “awakener” хэмээн нэрлэж, хууль бус үйл ажиллагаануудтай тэмцэх харанхуйн баатар болохоор шийднэ.

Бён Чэ-үк бол түргэн ууртай гэдгээрээ алдартай прокурор. Нэгэн удаа түүний байцааж байсан сэжигтэн нь байцаалтын өрөөнөөс нас барсан байдалтай олдсоноос болж Чэ-үк хүн амины хэрэгт гүтгэгдэн шоронд хоригджээ. Гэвч тэрээр бууж өгөлгүй, шоронд хамт хоригдож буй хоригдолтой нийлэн өөрийгөө буруугүй гэдгийг батлахын оролдоно.

"Нарны нулимс" хэмээх 20 сая долларын үнэ бүхий алмазыг Макао хотод дуудлага худалдаанд оруулах талаар мэдээ олон улсад тархаад байлаа. Үнийн дүнгийн хэмжээг сонссон мэргэжлийн хулгайчид өөрсдийн авхаалж самбааг сорихоор Солонгосоос Макаог зорино. Гэвч тэднийг очих үед Хонг-Конгийн бас нэгэн бүлгэм тэднийг угтан авч, төлөвлөгөөнд нь саад болсноор тэдний хөгжилтэй, аюултай адал явдал эхэлнэ.

Нэгэн цагдаа осол гаргаад зугтсан хэргээр хоригдохоор болж, шоронд нэгэн хоригдолтой танилцана. Төд удалгүй тэрээр тус шоронгийн хоригдлуудаас эхлээд, харуулууд хүртэл бүгд нэг хоригдлын удирдлага доор байдаг ба өөрийгөө "шорон" гэдэг нэгэн томоохон гэмт бүлэглэлийн нэг хэсэг болсноо олж мэднэ. Амьд үлдэх, эсвэл гэмт хэргийг таслан зогсоох гэж байгаад үхэх эсэх нь түүний гарт байлаа.

Тэ-сок бол авьяаслаг даамчин. Тэрээр энэ чадвараа ашиглан, дүүтэйгээ хамт мөрийтэй тоглоомчдоос мөнгө луйвардахаар шийднэ. Гэвч хэрэг явдал буруугаар эргэснээр Тэ-сок дүүгээ алдаж, өөрөө дүүгийнхээ аллагын хэргээр шоронд суухаар болчих нь тэр. Ийнхүү 7 жилийн дараа тэрээр дүүгийнхээ өшөөг авахаар мөрийтэй тоглоомын аймшигт ертөнцөд дахин эргэж ирнэ.

Кан-пэ бол тулааны чадвараараа бүлгэм дотроо #2-т жагсдаг нэгэн. Харин Су-та бол тулаант киноны од хэдий ч хэтэрхий хэрцгий зангаасаа болж үргэлж туслах дүрийн жүжигчдээ гэмтээдэг гэдгээрээ байлаа. Нэгэн удаа тэд санамсаргүй учирснаар Су-та Кан-пэ-д киноны тулаантай хэсэгт тоглох саналт тавих ажээ. Кан-пэ саналыг зөвшөөрөх болов ч нэгэн болзол тавьсан нь "тулааны хэсгийг бодит байлгах" байлаа.

Хён Мин бол тушаал, зэрэг дэвээс илүү хэргийн үнэнийг илчлэхэд л гол анхаарлаа хандуулдаг мөрдөгч юм. Нэгэн удаа тэрээр Тэ-У хэмээх залууг найз охиноо хороосон хэргээр баривчлах ба Тэ-У хэргээ хүлээгээд зогсохгүй, өөр 6 хүнийг алсан гэдгээ хэлнэ. Гэвч Тэ-У тус аллагуудыг үйлдсэн гэдгээс өөр мэдээлэл Хён Минд өгсөнгүй. Ингээд Хён Мин тус аллагуудын үнэнийг илрүүлэхээр хичээх ч, Тэ У Хён Минд хэргийн сэжүүрүүдийг өгөх нэрийдлээр сэтгэл зүйн сорилт өгнө. Хён Мин Тэ Угийн сорилыг давж, хэргийн үнэнийг илрүүлж чадах болов уу?

15-р зууны Чусоны үе. Улс орон даяар гарах болсон нууцлаг аллагууд гарах болсон тул хаан тус хэргүүдийн учрыг тайлуулахаар түшмэл Ким Минийг нууц мөрдөгчөөр илгээв. Ийнхүү мөрдөгч К-н хөгтэй, хөгжилтэй, адал явдалтай, аюултай даалгавар эхэлнэ.

Сон-ү бол хувийн мөрдөгчөөр ажилладаг нэгэн. Тэрээр нэгэн удаа Сү-жин гэх нэгэн үзэсгэлэнтэй бүсгүйгээс нөхөр нь Сү-жинийг хуурч байгааг батлах зураг олох захиалга авна. Ийнхүү Сон-ү захиалгаа биелүүлхээр очиход Сү-жиний нөхөр нь үхсэн байдалтай олдох бөгөөд хэргийн гол сэжигтэн нь Сон-ү болчих нь тэр. Тэрээр өөрийн нэр төрөө хэрхэн цэвэрлэх бол?

Хваи хэмээх хүүг хэсэг бүлэг хүмүүс хулгайлах бөгөөд Хваи 17 нас хүрэхэд, тэрээр аль хэдийн мэргэжлийн алуурчин болчихсон байлаа. Гэвч нэгэн удаа Хваи даалгавраа биелүүлж байхдаа өөрийн өнгөрсөн амьдралын тухай сэжүүр олсноор түүний амьдрал орвонгоороо эргэнэ. Ийнхүү тэрээр өнгөрсөн амьдралаа олж мэдэхийн төлөө тэмцэж эхэлнэ.

Нийт 50 с 1 -24 харуулж байна