Молдавийн элчин сайд гэр бүлийн хамт Германд ирнэ. Тэднийг хамгаалахаар Германы засгийн газраас шинэхэн цагдаа Тео, шилдэг мөрдөгч Лук болон бусад цагдаагийн ажилтнуудыг томилжээ. Гэвч хэрэг явдал буруугаар эргэснээр элчин сайдын охин Маша барьцаалагдчихав. Ийнхүү Машаг аврахын тулд Тео, Лук хоёр нэгдэн хөгжилтэй, аюултай адал явдалд гарна.

Кан Бу-рам бол төрөлх “Үлсан” хотоо хөгжүүлэхийн төлөө бүхий л сэтгэл зүрхээ зориулж буй төрийн албан хаагч юм. Тэрээр “Ку Буксу” хэмээх томоохон дууны наадмын оролцогчдыг сонгож авчрах хариуцлагатай ажилд томилогджээ. Тэрээр хамгийн түрүүнд нутагтаа дуу хоолойгоороо гайхагдсан хүнийг урихаар болсон нь түүний найз Кён-сокийн аав нь байлаа. Гэвч Кён-сокийн аав гэр бүлийн асуудлаас болж оролцох боломжгүй байсан тул Бу-рам Кёнсоктой нэгдэн, гэр бүлийг нь эвлэрүүлж, аавыг нь дууны тэмцээнд оролцуулах төлөвлөгөө хэрэгжүүлэхээр болно.

Хүмүүсийн биед нэвтэрч бодол санааг нь удирдах чадвартай харь гаригийн биет дэлхий дээр газардан, хүмүүсийг аюулд оруулаад байв. Энэ тухай хамгийн анх Сөүлийн их сургуулийн "Харь гариг судлал"-ын клубийн гишүүд олж мэдэн, хүмүүст анхааруулахыг хичээж байлаа. Гэвч санамсаргүй тохиолдлоор тус клубийн аль нэг гишүүнийх нь биед тус харь гаригийн биет нэвтрэн орсноор тэд лабораторидоо гацна. Ийнхүү тэд 30 минутын дотор хэнийх нь биед харь гаригийн биет нэвтэрснийг олох хүндхэн, хөгжилтэй адал явдалтай учирна

Гадаадад ур чадвараараа танигдсан найруулагч Со-рин олон жилийн дараа Солонгостоо эргэн ирж кино найруулахаар болно. Киноных нь гол дүрд Со-риний багын найз, алдарт жүжигчин Сү-хёк тоглохоор сонгогдсон нь тун таатай хэрэг байлаа. Гэвч яг зураг авалтын талбайд гарах мөчид тэдний хоорондын уур амьсгал нэг л өөр байв. Чухам юунаас болж уур амьсгал өөрчлөгдсөнийг Со-риний энэхүү хөгжилтэй хайрын түүхээс хүлээн авч үзээрэй.

Жун-гү бол эгэл даруу, зодолдохдоо муу тул үргэлж л сургуулийнхаа хүүхдүүдэд дээрэлхүүлдэг байлаа. Гэвч нэгэн өдөр сургуульд нь Чэ-ён гэх охин шилжиж ирэн, Жун-гүг аварснаар түүний амьдрал огцом өөрчлөгдөх ажээ. Жун-гү болон Чэ-ёны хөгжилтэй, хөгтэй адал явдлыг энэхүү киноноос хүлээн авч үзээрэй.

Усны дусал мэт адилхан Дэнни, Людвиг нар санамсаргүй соёл амралтын хүрээлэнд тааралдан өмнө нь уулзаж байгаагүй ч, царай төдийгүй нас нь ч гэсэн адилхан байгаа нь хачирхалтай байв. Ийнхүү тэд энэ бүхний учир шалтгааныг олохын тулд солигдон, өөрсдийн эцэг эхийг сорихоор болно. Тэдний хөгжилтэй адал явдлыг 1998 оны "The Parent Trap" киноноос сэдэвлэн бүтээсэн энэхүү бүтээлээс хүлээн авч үзээрэй.

Хэ-жү бол байнга гэр бүлийнхээ "хүнтэй суу" гэдэг үгийг залхтлаа сонссон нэгэн. Харин Сон-сук бол томоохон агаарын тээврийн компанийн захирлын хүү бөгөөд компаниа өвлөн авахын тулд гэрлэх хэрэгтэй байлаа. Нэгэн удаа тэд сохор болзоогоор танилцаж, бие биетэйгээ гэрээгээр гэрлэхээр болжээ. Гэвч хуримын бэлтгэл ажлын үед асуудал үүссэнээр тэдний хөгтэй, хөгжилтэй адал явдал эхэлнэ.

Чин гүрний үеийн эрэлхэг зоригт чулуун цэргүүд болох Терракотачууд Оникс хэмээх аймшигт мангасуудын эсрэг газар доорх Янь хотод тулалддаг байлаа. Нэгэн удаа залуу цэрэг Магнус мангасын анд явж байхдаа Жэйд хэмээх залуу бүсгүйтэй уулзаж тэд хамтдаа энх тайвныг авчрахын тулд Янь хотын гүн рүү аялж, мангасуудын дайралтыг зогсоох аргыг олохоор шийднэ. Гэвч зорьсон газарт нь хэний ч төсөөлж байгаагүй нэгэн гайхалтай нууц байсныг тэд мэдсэнгүй.

Дээрэмчдийн бүлэглэлийн толгойлогч Жан Сэ-чол-д орон нутгийн иргэдийн жагсаалыг тараах ажил ирнэ. Жагсаалын үеэр үзэсгэлэнт хуульч Су-хёнтой таарч анхны харцаар дурласан ч Су-хён "тэргүүн хатагтай" болохыг мөрөөддөг тул өөрийг нь сонирхохгүй байлаа. Ийнхүү хайрынхаа төлөө Сэ-чол амьдралдаа огцом өөрчлөлт хийж, сонгуульд нэр дэвшихээр болно. Гэвч түүний энэхүү шийдвэрийг бүлгэмийнх нь гишүүд болон өрсөлдөгчид нь зүгээр хараад суух болов уу?

Сүүлийн 500 жилийн туршид Сөүлд гоо сайхны жижигхэн дэлгүүр ажиллуулан амьдарч байсан цус сорогч Ран-ыг барилгын шинэ эзэн гарч ирэн нүүхийг шаардана. Түүнийг хүндхэн байдалд орох үед нэгэн нууцлаг залуу гарч ирэн Ран туслана. Гэвч түүнээс гарах үнэр нь Раны анхны хайраас нь үнэртдэг байсан үнэртэй адил байх бөгөөд бүтэн 500 жилийн туршид тэвчиж ирсэн цусаар цангах хүслийг сэргээх нь тэр.

Их сургуулийн оюутны байранд хамтдаа амьдардаг гурван найз хөдөө нэгнийхээ ээжид дуудагдан очсоноор үйл явдал эхэлнэ. Тэд очсон газраа удах бодолгүй байсан ч нэгэн охинд зэрэг татагдсанаар тэд нэгнээсээ өрсөж охинд таалагдах гэж хичээснээр, тэдний хоорон дахь өрсөлдөөн улам ширүүссээр хүнд хүнд сорилтуудтай нүүр тулна.

Хишигээ, Дондог хоёр хөршүүд боловч өстөн юм шиг байдаг. Тэдний хүүхдүүд хоорондоо хайр сэтгэлтэй болсныг мэдсэнээр үйл явдал хурцдаж эхлэнэ

Та хоёрхон секундын дотор хэн нэгэнд дурлаж үзсэн үү. Тэр мэдрэмж хайр болож чадах болов уу, эсвэл зүгээр л шохоорхол уу...

40-н настай Батаа, 20-н настай Зулаа нар санамсаргүй байдлаар зам дээр тааралдаж, тэдний дунд үл ойлголцол үүснэ. Маргааш нь тэдний бие хоорондоо солигдож тэдэнд маш том асуудал гарч ирнэ. Тэд нэгнээ огт танихгүй бөгөөд, чухам юуны учир хоорондоо солигдсон шалтгааныг олж мэдэхийг хичээх боловч олон саад бэрхшээлтэй тулгарна.

Энэ жилийн хамгийн ТОМ, хамгийн ХОРЧИН шоу

Niks Vreemds Aan буюу Nothing Strange About It нь Swingers нэрт алдартай киноны дахин хийсэн хувилбар юм. Suus өөрийн нөхөр Mat-д хайртай хэдий ч тэдний гэрлэлтийн гал халуун цог унтраад нэлээдгүй хугацаа өнгөрчээ. Хүсэл шуналаа дахин бадраахын тулд бүсгүй өөрсдийгөө хамтран групп секс хийдэг хүмүүсийн сайтад бүртгүүлж орхино.

Тэ-хүн бол Филиппинд мангоны үйлдвэр ажиллуулдаг нэгэн. Харин Сү-жин бол жирийн нэг оффисийн ажилтан бүсгүй. Нэгэн удаа Сү-жин найз Жи-ён-той хамт Филиппин рүү аялахаар болжээ. Аяллынхаа үеэр Сү-жин Тэ-хүнтэй учирч дурлана. Гэвч түүний найз Жи-ён ч гэсэн Тэ-хүнд дурласнаар тэдний хөгжилтэй, романтик хайрын адал явдал эхэлнэ.

Хөл бөмбөгийн дэлхийн аваргад оролцох хүсэл эрмэлзэлтэй залуу сохор номин орон нутгийн алтны уурхайг нь булаах гэсэн шуналт хорон санаатны эсрэг боссоноор хэний ч тааварлаагүй эргэлт гаргаж баатар болно.

Настая Королева бол сургуулийнхаа охидуудаас #1-т жагсдаг үзэсгэлэнтэй уран гулгагч юм. Тэрээр үргэлж олон хүний анхаарлын төвд байсаар дассан байлаа. Сошиал хаягийнх нь дагагчдын тоо нь ч үүнийг улам батлах мэт санагдаж байв. Гэвч нэгэн удаа Лео гэх залуу сургуульд нь шилжиж ирснээр түүний амьдрал орвонгоороо өөрчлөгдөх нь тэр. Учир нь Лео царайлаг, ухаалаг хэдий ч Настяд огтхон ч анхаарал хандуулахгүй байгаа нь Настяд таалагдахгүй байлаа.

Луна, Адалберто 2 үерхээд удаж байгаа хос. Гэвч Адалберто Лунаг гэрийнхэнтэйгээ танилцуулахаас нэг л төвөгшөөдөг байлаа. Нэгэн удаа тэд хүүхэдтэй болсноо мэдсэнээр Адалберто Лунаг гэрийнхэнтэй танилцуулахаас өөр аргагүй болно. Ийнхүү Луна Адалбертогийн гэрт очих үед цус сорогч аав, шулам ээж, зомби авга ах нь угтаж авснаар тэдний хөгжилтэй адал явдал эхэлнэ.

Гурван сурагч аймшгийн киноны улаан фэнүүдийн цугларалтад ирсэн ч тус арга хэмжээг зохион байгуулагч нь чөтгөр шүтдэг нэгэн бөгөөд арга хэмжээнд хүрэлцэн ирсэн хүмүүсээр тахил өргөх гэж байгааг хэн нь ч мэдсэнгүй. Ийнхүү хүмүүс нэг нэгээрээ үхэж эхлэхэд 3 сурагч нэгдэн, аймшгийн кино дээрээс үзсэн амьд үлдэх аргуудаа хэрэгжүүлж эхлэх хэрэгтэй болно.

Сун-хва гүнж гэрлэх насанд хүрсэн тул түүнийг уламжлалын дагуу зурхайн төөргөөр зохицох нэгэнтэй гэрлүүлэхээр төлөвлөж байлаа. Гэвч чин сэтгэлийн хайранд итгэдэг гүнж өөрийнхөө огт харж байгаагүй хүнтэй ердөө нэг зурхайгаас болж гэрлэхийг хүссэнгүй. Ийнхүү тэрээр хайраа олохын тулд төрийн их зурхайчийн хамт Хань-яныг тойрон аялахаар шийднэ.

Энгийн л нэг оффисийн ажилтан Чан-дул-ын амьдардаг хот руу "бухимдал үүсгэгч" мангас дайрснаар ажилгүй болжээ. Ийнхүү Чан-дул Ку доктор болон найзуудынхаа хамт “Stress Zero” гэх эрч хүчний ундааг зарж, олсон мөнгөөрөө хотоос зугтахаар болно. Гэвч тэдний энэхүү ундаа л төрөлх хотыг нь тус мангасаас аврах цор ганц зэвсэг гэдгийг тэд мэдсэнгүй...

Баян айлын хүү Пак Чэ-мин “Better World” хэмээх клубийг ажиллуулдаг ба компьютерийн тал дээр суутан гэж нэрлэгдэхүйц авъяаслаг нэгэн. Гэвч аавынх нь компани хакеруудын халдлагад өртөн томоохон хохирол амсах ба асуудлыг шийдэх ганцхан зам нь тус хэргийн эздийг олох байлаа...

Нийт 449 с 1 -24 харуулж байна