Леа бол 25 настай, Нью Йорк хотод амьдардаг бүсгүй. Тэрээр хөдөлмөрч, эелдэг нэгэн байлаа. Гэвч тэрээр үргэлж өөрийгөө “хүн алж байна” хэмээн хар дарж зүүдэлдэг ажээ. Леаг сэрэх бүрт тэрхүү хар дарсан зүүд нь улам биеллээ олж байгаа мэт санагдаж байлаа. Ийнхүү тэрээр зүүднийхээ учрыг хайж эхлэх бөгөөд бүх учиг түүний бага байх үед болсон үйл явдалтай холбогдож байгааг олж мэднэ. Леаг бага байхад юу тохиолдсон бол? Тэрээр өөрийн хар дарсан зүүднээсээ сэрж чадах болов уу?

Ын Ши-Ён Цагдаагийн Ерөнхий газрын эрэн сурвалжлах тасгийн газраас тушаал бууран дүүргийн мөрдөн байцаах тасгийн мөрдөгчөөр хуваарилагдана. Тэрээр эхэндээ дургүй байсан ч, тус тасгийн дарга Со Мин-Жэтэй хамтран Чон Жэ-Чол гэх уралдааны машины нисгэгчийн хэргийг мөрдөж эхэлснээр өөрийнхөө төсөөлөө ч үгүй томоохон хэргийг илрүүлнэ. Тэд хамтдаа хэргийнхээ эцсийг үзэж чадах болов уу?

Нола аавтайгаа хамт үргэлж л Америкийн өнцөг булан бүр рүү аялж явдаг байлаа. Түүний хувьд аяны зам гэр нь мэт байдаг байв. Нэгэн удаа тэрээр аавтайгаа санал зөрөлдөж, тус тусын амьдралыг хөөхөөр болов. Ийнхүү Нола өмнө нь хэзээ ч уулзаж байгаагүй ээжтэйгээ уулзахаар НьюМехико мужийн Альбукеркег зорино. Замдаа тэрээр олон шинэ хүмүүстэй учран, амьдралын шинэ зорилгуудаа ч олж эхэлнэ. Энэхүү урт замын төгсгөлд түүнийг юу хүлээж байгаа бол?

Хэдэн найз зугаацахаар шийдэж, айлгах үйлчилгээ дуудахаар болно. Гэвч хэрэг явдал буруугаар эргэснээр тэдний амь нас аюулд учирна. Тэд амьд үлдэж чадах болов уу?

Инээдэм цаг хугацааг үл хамааран хаана ч оршиж байдаг. Та энэ цаг үед ч 6 өөр өнгө, цаг хугацаагаар аялж, хөгжилтэй үйл явдлууд дунд сонирхолтой хормыг өнгөрөөгөөрэй. Инээдэм үргэлжилсээр...

Жү Тэ Жү бол төрийн тусгай хамгаалалтын албаны дарга. Тэрээр зөвхөн VIP буюу хамгийн чухал гэсэн хүмүүсийг хамгаалдаг байв. Нэгэн удаа түүний тусгай үйлчлүүлэгч нь улс хоорондын дипломат харилцааны шугамаар авчирсан “Хулсны баавгай” байлаа. Гэвч тэрээр санамсаргүй байдлаар тус VIP үйлчлүүлэгчээ алдаж, араас нь хөөж явахдаа осолд орсноор амьтдын яриаг ойлгодог болно. Тэр VIP үйлчлүүлэгчээ олж, шаварт унасан нэр төрөө сэргээж чадах болов уу?

Ха Чэ-юүн бол Сөүлийн цагдаагийн газарт хэлэлцээр хийгчээр ажилладаг чадварлаг нэгэн. Түүний гол ажил бол хэргийн үед барьцаалагчидтай ярилцаж, аль болох хохирол багатайгаар тэдэнтэй тохиролцох юм. Нэгэн удаа тэрээр Мин Тэ-гу гэх олон улсын хууль бус зэвсгийн наймаачинтай ярилцах хэрэгтэй болно. Чэюүн Тэ-гутэй тохиролцож чадах болов уу?

Ахмад Ахаб бол “Хар гүрвэл хэмээх” хөлсний цэргийн хүчинд ажилладаг чадварлаг нэгэн. Нэгэн удаа тэрээр Америкийн тагнуулын төв газраас урьтаж, “Солонгосын цэрэггүй бүс”-н газар доор орших хоригдох байрнаас Хойд Солонгосын нэгэн том албан тушаалтныг аврах даалгавар хүлээж авна. Гэвч хөндлөнгөөс өөр нэгэн хөлсний цэргийн салаа оролцож эхэлснээр Ахабын төлөвлөгөөнд маш том өөрчлөлтүүд орох ажээ. Тэрээр өөрийн даалгавраа амжилттай биелүүлж чадах болов уу?

Нэгэн баян эрдэмтэн өөрийнхөө харшийг өв залгамжлуулахаар таван өсвөр насны хүүхдүүдийг харшдаа урьж, өрсөлдүүлнэ. Гэвч хүүхдүүдийг ирсэн орой бүх зүйлс орвонгоороо эргэснээр хүүхдүүдийн гол өрсөлдөгч нь “хяналтаас гарсан” супер компьютер болж хувирна. Тэд супер компьютерыг ялж чадах болов уу?

15-р зуун. Евро-Азийн өргөн уудам нутгийн улсуудыг хэдэн зууны туршид агуу Чингис-хааны алтан ургийнхан захирч байв. Гэвч эрх мэдлийн төлөөх тэмцлээс болж Дундад Ази дайны хөлд нэрвэгдээд байлаа. Энэ үед алтан удмын нэгэн хаан тэрхүү тархай бутархай улсуудыг нэгтгэж, амар амгаланг авчрахыг зорино. Чингис хаанаас хойших Монголын алтан ургийнхны талаар хүмүүсийн тэр бүр мэдээд байдаггүй түүхийг энэхүү киноноос хүлээн авч үзээрэй.

Багын 3 найз болох Билгүүн, Амараа, Тодоо нар хамтран компани байгуулж нэгэн тендерт маш амжилттай өрсөлдөнө. Тендерээ авахын даваан дээр өрсөлдөгч талын явуулгаар учир битүүлэг хэрэгт холбогдож бүх зүйлс орвонгоороо эргэж, насаараа хоригдох ялаар шийтгэгдэнэ. Өөрсдийн хийгээгүй хэргийн золиос болж хохирсон 3 найз хорих ангиас оргон зугтааснаар хэрэг явдал улам хүндэрч амь нас нь хутганы ирэн дээр ирнэ. Билгүүн, Амараа, Тодоо 3 энэ бүхнийг даван гарч чадах болов уу? Амьд явах амархан Амьдрах хэцүү…

Жүн бол Тагнуулын Төв Газрын шилдэг тагнуулч байсан нэгэн. Тэрээр одоо өөрийнхөө мөрөөдлөө биелүүлэн зурагт номын зураач болсон бөгөөд эхнэр охин хоёрын хамт турш аз жаргалтай амьдарч байлаа. Гэвч нэгэн удаа тэрээр санамсаргүйгээр өөрийнхөө тагнуулын амьдралын тухай, тэр тусмаа маш нууц хэргийн тухай зурсан зурагт номоо олон нийтийн сүлжээнд оруулчих нь тэр. Архи уусныхаа халуунд хийсэн энэхүү хэрэг нь түүнийг болон гэр бүлийнхнийг нь ахин аюулт ертөнцөд татан оруулав. Жүн гэр бүлээ болон өөрийгөө хамгаалж чадах болов уу?

Бён Сү бол орон нутгийн мөрдөн байцаах тасгийн цагдаа. Тэрээр гэр бүлээ дагуулан анх удаа гадаад аялахаар шийдэн Филиппинийг зорино. Гэвч тэнд зохион байгуулалттай гэмт хэргийн золиос болчих нь тэр. Ийнхүү өөрийгөө болон гэр бүлээ аврахын тулд жинхэнэ гэмт хэрэгтнийг илрүүлэх хэрэгтэй болно.

75 настай Жу Нам Бунг болон 71 настай И Мэ Жа нар зөнөх өвчтэй. Тэд гэрлээд 45 жил болж байгаа бөгөөд оюун санаа, биеийн байдлаараа ч хоорондоо төстэй болжээ. Гэвч тэдний ой санамж өдөр ирэх тусам бүдэгрч байсан ч, мартагдсан хайрын дурсамжууд нь улам тодорсоор. Жинхэнэ хайрын түүхийг та зөвхөн энэхүү киноноос хүлээн авч үзээрэй.

Тадек бол мөрдөгч. Тэрээр нэгэн цуврал хүн амины хэрэг дээр удаан ажиллаж байгаа ажээ. Гэвч нэгэн удаа Тадек уг хэргүүдийн тухай нэг бүрчлэн дурдсан нууцлаг номыг олно. Тадек хэргүүдийн учрыг хэрхэн олох бол? Хариултыг зохиолч Дэвид Грэнний "Бодит хэргүүд" номноос сэдэвлэсэн бүтээсэн энэхүү киноноос хүлээн авч үзээрэй.

Хоёр залуу хулгай хийхээр шийдэн нэгэн байшинд нэвтрэн орно. Гэвч тэдний орсон байшин нь тэдний хувьд томоохон хавх болж хувирна гэж өөрсдөө ч мэдсэнгүй.

Дун-Чол, Жи Сү хоёр бол гэрлээд аз жаргалтай амьдарч байгаа хосууд. Гэвч нэгэн өдөр Дун-Чолыг гэртээ ирэхэд эхнэр нь байсангүй. Дун Чол эхнэр Жи-сүгээ аврахын тулд бүхнээ дайчлах болно. Жи-сүг хэн авч явсан бэ? Хариултыг зөвхөн энэхүү киноноос хүлээн авч үзээрэй.

Жи-сон бол мэргэжлийн луйварчин. Тэрээр зөвхөн хууль бус мөнгөний араас явдаг бөгөөд түүний хохирогчид бол зөвхөн луйварчид, гэмт хэрэгтнүүд. Гэвч Жи-соны жинхэнэ зорилго бол өөд болсон аавынхаа өшөөг алдарт луйварчин Жан Ду-чилаас авах байв. Ийнхүү тэрээр прокурор Пак Хэ-сүтэй хамтран ажиллаж эхэлснээр түүний сонирхолтой боловч аюултай нууцууд ил болж эхэлнэ.

Нэгэн цагдаагийн ажилтан дотооддоо мөрдөн байцаалтын ажиллагаа явуулах хэрэгтэй болно. Тэрээр хэргийг ухах тусам томоохон гэмт бүлэглэлүүд оролцсон нь илрэх ажээ. Түүний амь өрссөн даалгаварын биелэх болов уу?

Нэгэн сурагч санамсаргүй байдлаар үлэг гүрвэлийн өндөг олж өндөгнөөс гарсан үлэг гүрвэлийг гэртээ тэжээнэ. Гэвч хорон санаат эрдэмтэн үлэг гүрвэлийг нь туршилтанд оруулахаар хүүгээс хүчээр булаан авахад өөрийн найзаа аврахаар хүү галзуу эрдэмтний эсрэг тэмцэнэ.

Нэгэн баян корпорацийн захирал A.R.I. хэмээх роботыг аюулт зэвсэг болгон ашиглахаар хулгайлуулах боловч нэгэн сайхан сэтгэлт хүү тус роботыг аврахаар хичээнэ.

Ду Ил-Чул мөрийтэй тоглоомд авьяастай нэгэн бөгөөд тэрээр домогт тоглоомчин ЧакВигийн хүү юм. Түүний аав нь тоглоомд заль хэрэглэснээсээ болж нэг гараа тайруулан, өөд болсон. Ил-Чул аавынхаа өшөөг авахын тулд мэргэжлийн мөрийтэй тоглоомын ертөнцөд орж, мөрийтэй тоглоомын домог болсон Эккюгээс суралцаж эхэлнэ. Түүний сонгосон зам нь зөв байх болов уу?

Өмнөд Солонгос, Хойд Солонгос, АНУ-ын удирдагчдын дээд хэмжээний уулзалт товлогдож, тус улсуудын төрийн удирдлагууд цугларахаар болно. Тус уулзалтаар Хойд Солонгосын цөмийн асуудал, Солонгосын хойгийг энхийн замаар зохицуулах талаар хэлэлцэхээр төлөвлөж байсан ч уулзалтын төлөөлөгчид хулгайлагдан, уулзалтад аюул учрав. Энэ л үед тагнуулын төв газрын дарга бусад улсуудын албаныхантай хамтран төлөөлөгчдийн эрэлд гарна.

2024 Он. Шинэ төрлийн Ковид-23 цар тахал дэлгэрч дэлхий даяар 110 сая хүний амийг авч оджээ. Аймшигт үйл явдлаас хайртай нэгнээ аврахын тулд тэд юу хийх вэ?

Нийт 52 с 1 -24 харуулж байна